台語童謠

2005-08-28

Page:1/1

1.ＡＢＣ狗咬豬
ABC狗咬豬，阿公仔坐飛機，跋一下冷支支。 叫醫生，來甲伊醫，醫一下跤骨大小支，醫一下跤骨大小支。

2.一的爆米香
一的爆米香，二的炒韭菜，三的強強滾，四的炒米粉，五的五將軍，六的六子孫，七的蚵仔飼麵線，八的說伊分一半，九的九嬸婆，十的撞大鑼。打你千，打你萬，打你一千固一萬，羞羞羞袂見笑，猜輸唔甘願，玩輸起蝦龜，唔甘願起蝦龜，我味來去投老師，投老師。

3.一年仔空空
一年仔空空，二年仔孫悟空，三年仔吐劍光，四年仔愛膨風，五年仔上帝公，六年仔閰羅王，閰羅王。
4.大箍呆
大箍呆哎喲白目眉，無人請你個自己來，大箍呆炒韭菜，燒燒一碗來，冷冷阮無愛。大箍呆炒韭菜，燒燒一碗來，冷冷阮無愛。大箍呆，到搭你才知，到搭你才知。
5.火金姑
火金姑來吃茶，茶燒燒，配芎蕉，茶冷冷，配龍眼，龍眼阮嘸愛，送給豬八戒。

6.點仔膠
點仔膠，粘著腳，叫阿爸，買豬腳，豬腳箍仔滾爛爛，飫鬼囡仔流嘴涎。

7.白鷺鷥
白鷺鷥車糞箕，車到溝仔墘，跋一倒，撿著二仙錢，一仙撿起來好過年，一仙買餅送大姨。

8.羞羞羞
羞羞羞，提籃仔撿雨鰡，羞羞羞，提籃仔撿雨鰡，攏總撿幾尾，攏總撿二尾，一尾煮來吃，一尾糊目睭，羞羞羞。

9.點仔點水缸
點仔點仔點水缸，啥乜人仔放屁爛跤尻。點仔點仔點茶甌，啥乜人仔今晚卜來阮兜。點仔點仔點茶壺，啥乜人仔今晚卜娶某。點仔點仔點叮噹，啥乜人仔今晚卜嫁尪。點仔點仔點水缸，啥乜人仔放屁爛跤尻。點仔點仔點書包，啥乜人仔今晚卜來阮兜。點仔點仔點鉛筆，你若是歹囝仔才做白賊也。點仔點仔點紛紛，你是英雄好漢去做軍。

10.新娘水噹噹
新娘水噹噹，褲底破一空，頭前開店窗，後壁爆米香。
11.搖金子
搖金子，搖金子，搖豬腳，搖大餅，搖檳榔，來相請。

12.放雞鴨
一放雞，二放鴨，三分開，四相打，五搭胸，六拍手、七仔七圓圓，八摸鼻，九咬耳，十摸腳，十一攏總沙。

13.西北雨直直落
西北雨直直落，鯽仔魚卜娶某。鮕鮐兄拍鑼鼓，媒人婆仔土虱嫂，日頭暗揣無路，趕緊來火金姑，做好心來照路，西北雨直直落。西北雨直直落，白鷺鷥來趕路。搬山嶺過溪河，找無岫跋一倒，日頭暗卜怎好，土地婆做好心來帶路，西北雨直直落。

14.月光光，騎大馬，過魚（池）塘、魚塘一尾鯉，魚肉拿來吃魚骨拿在娶本娘（太太之意），本娘香噴噴，拿杖子（棍子），戮屎門（肛門之意）。
15.後面的菜園裡狗在叫，樸實（憨厚）的老阿公拿著鋤頭在挖地，大銀圓、小銀圓、叮噹響。

16.十二生相
一鼠，賊仔名，二牛，駛犁兄，三虎，爬山崎，四兔，遊東京，五龍，皇帝命，六蛇，互人驚，七馬，跑兵營，八羊，食草嶺，九猴，爬樹頭，十雞，啼三聲，十一狗，吠契兄，十二豬，菜刀命。

17.天烏烏(台灣北部民謠)

天烏烏，卜落雨，阿公仔夯鋤頭仔卜掘芋。
掘啊掘，掘啊掘，掘著一尾辿鰡鼓，
咿呀嘿都真正趣味。
天烏烏，卜落雨，阿公仔夯鋤頭仔卜掘芋。
掘啊掘，掘啊掘，掘著一尾辿鰡鼓，
咿呀嘿都真正趣味。
阿公仔卜煮鹹，阿媽仔卜煮汫。
二個相拍弄破鼎，咿呀嘿都啷噹叱噹嗆，哇哈哈。
阿公仔卜煮鹹，阿媽仔卜煮汫。
二個相拍弄破鼎，咿呀嘿都啷噹叱噹嗆，哇哈哈。
弄破鼎，弄破鼎，弄破鼎，咿呀嘿都啷噹叱噹嗆，
哇哈哈，哇哈哈，哇哈哈，哇哈哈。

18.火車

火車卜行東港橋，愈行愈走愈咧叫，
一聲短來，一聲長，真賢搖。
搖一下來，搖一下去，嗶噗趒。
火車卜行西螺橋，愈行愈走愈愛搖，
鶯歌若過是板橋，真賢搖。
搖一下來，搖一下去，嗶噗趒。